Rusia ndalon furnizimin e Bullgarise dhe Polonise me gaz natyror
Qeveritë në Bullgari dhe Poloni thanë se Rusia do ndalojë furnizimet me gaz natyror duke shënuar një përshkallëzim të madh në përballjen mes Moskës dhe Evropës.
Ministria e Energjisë në Bullgari tha sot në mbrëmje se kompania bullgare e furnizimit me gaz natyror “Bulgargaz” kishte marrë një njoftim për ndërprerjen e gazit nga gjiganti energjetik i mbështetur nga shteti rus, “Gazprom”.
“Bullgaria ka ndërmarrë hapa drejt furnizimeve alternative të gazit”, tha ministria, duke shtuar se për momentin nuk ka nevojë për kufizime në konsumin e gazit.
Kompania polake e gazit natyror “PGNiG” tha më herët se “Gazprom” do të ndërpriste gazin që nga mëngjesi i së mërkurës, pasi Varshava kishte refuzuar kërkesën e Moskës për të paguar furnizimet e saj në rubla.
Zyrtarët polakë thanë se vendi është përgatitur për një skenar të tillë dhe se objektet e depozitimit të gazit janë aktualisht plot, (76%) krahasuar me 39% një vit më parë./Burimi|: Balkanweb
Ministria e Energjisë në Bullgari tha sot në mbrëmje se kompania bullgare e furnizimit me gaz natyror “Bulgargaz” kishte marrë një njoftim për ndërprerjen e gazit nga gjiganti energjetik i mbështetur nga shteti rus, “Gazprom”.
