Gjermania nis ndertimin terminalit per gaz natyror te lengshem
Gjermania ka nisur sot punimet për ndërtimin e terminalit të saj të parë lundrues për gazin natyror të lëngshëm (LNG) në Wilhelmshaven.
Ky projekt vjen në kuadër të përpjekjeve të vendit për t’u bërë i pavarur nga gazi rus ndërkohë që në Ukrainë vijon lufta kundër Rusisë.
Gjermania po përpiqet të përshpejtojë ndërtimin e terminalit në mënyrë që të importojë LNG nga vende të ndryshme, përfshirë SHBA.
“Ne kemi një shans të mirë për të bërë atë që në të vërtetë është normalisht e pamundur në Gjermani:
Të ndërtojmë një terminal LNG brenda rreth 10 muajsh dhe ta lidhim me furnizimin me gaz gjerman,” tha zv/kancelari dhe Ministri i Ekonomisë i Gjermanisë Robert Habeck ndërsa shihte sesi niste puna nga bordi i një anijeje.
Kujtojmë se Gjermania ka qenë nën presion nga Ukraina dhe vende të tjera në Evropë për të nxituar në procesin e heqjes dorë nga furnizimi me karburante ruse që prej se Kremlini ka nisur pushtimin./Burimi: abcnews.al
Ky projekt vjen në kuadër të përpjekjeve të vendit për t’u bërë i pavarur nga gazi rus ndërkohë që në Ukrainë vijon lufta kundër Rusisë.
