Ulen me 898 mln leke fondet e investimeve, si ndahet tregu

Fondet e investimeve në Shqipëri pësuan në tre muajt e parë të vitit një ulje me 898 milionë lekë, ose 1.16%, krahasuar me tremujorin pararadhës.

Referuar të dhënave të publikuara nga Autoriteti i Mbikëqyrjes Financiare, vlera e aseteve arriti në total në 76.79 miliardë lekë.

“Ky treg dominohet kryesisht nga investimet në Obligacione Qeveritare, të cilat përbëjnë 65.35% të aseteve të fondeve, me një rritje prej 0.83% krahasuar me 31 dhjetor 2021” njofton AMF.

Numri i anëtarëve që kanë investuar në Fondet e Investimit më 31 mars 2022 është 40,807 me një rritje prej 1.88% krahasuar me 31 dhjetorin e 2021. Në total, në tregun e fondeve të investimeve ushtruan aktivitetin e tyre 11 fonde investimi.

Pjesën më të madhe të këtij tregu, si në aspektin e aseteve, ashtu edhe të numrit të anëtarëve e zë grupi Raifeissen, i ndjekur nga Credins./Burimi: Scan

Më të lexuarat