Bashkia njofton hapjen e Kopshtit te ri Zoologjik te Tiranes
Për shkak se 1 Qershori bie ditë shkolle për fëmijët, por edhe ditë pune për prindërit, hapja zyrtare e Kopshtit të ri Zoologjik do bëhet të shtunën, më 4 qershor.
Lajmin e dha kryetari i Bashkisë së Tiranës, Erion Veliaj, i cili ftoi fëmijët të marrin prindërit dhe gjyshërit dhe të bëhen pjesë e festës në fundjavë. “Jeni gati për Kopshtin Zoologjik kalamaja?
Ditën e shtunë, në 4 Qershor, meqë është fundjavë dhe të gjithë e kemi pushim, merrni prindërit, gjyshen, gjyshin ose një shok apo shoqe, dhe ejani të shohim të gjithë bashkë kafshët e mrekullueshme.
Do të mësojmë shumë gjëra të reja, por edhe do të luajmë. Ju pres me padurim”, shkruan Veliaj. Kopshti Zoologjik i Tiranës iu nënshtrua transformimit të plotë të tij.
Nga një hapësirë e harruar, Bashkia e Tiranës e rikonceptoi atë, duke iu përshtatur kërkesave të ndryshme të vizitorëve që e frekuentojnë dhe kafshëve që jetojnë aty.
Kopshti ofron hapësira për shërbime dhe mjedise të nevojshme për vizitorët, ambiente rekreative ku mbizotërojnë hapësirat e gjelbra, si dhe këndet e lojërave për fëmijë, por nuk mungojnë as mjediset edukative për studentët dhe nxënësit që studiojnë veçanërisht botën e kafshëve./Burimi: Shqiptarja.com
Lajmin e dha kryetari i Bashkisë së Tiranës, Erion Veliaj, i cili ftoi fëmijët të marrin prindërit dhe gjyshërit dhe të bëhen pjesë e festës në fundjavë. “Jeni gati për Kopshtin Zoologjik kalamaja?
