Tregtaret, greve njeoreshe kunder gjobave ndaj biznesit

Grevë njëorëshe me ulje qepenash nga pronarët e dyqaneve të rrugës “Myslym Shyri” në Tiranë. Kjo është mënyra e zgjedhur nga tregtarët për kundërshtimin e masave që po ndërmerren ndaj biznesit.

Dje në mëngjes, në shumë dyqane të mbyllura ishte vënë lajmërimi “Jemi në grevë!”. Tregtarët kërkojnë amnisti për detyrimet e pashlyera duke paralajmëruar se në mungesë të saj do të ndërpresin tregtinë e do të bllokojnë aktivitetin tregtar. Shkak për këtë acarim janë bërë kontrollet e tatimorëve në këtë zonë, ku janë vendosur gjoba sipas ligjit të ri për procedurat tatimore. Tregtarët akuzojnë, ndër të tjera, se tatimorët kanë vazhduar të vendosin gjoba të padrejta për sigurimin e familjarëve që punojnë në bizneset e tyre.

Më të lexuarat