Skandal me tenderin e aksit Maliq-Strelce, ARRSH skualifikoi 4 oferta me te lira
Vazhdon seria e tenderave abuzive të Autoritetit Rrugor Shqiptar për ndërtimin e rrugëve në Shqipëri.
Kësaj radhe skandali është përsëritur me tenderin 1,18 miliardë lekë ose 9,7 milion euro për rikonstruksionin e aksit 19 km të gjatë Maliq-Lozhan i Ri-Strelcë, ku fituese ka dalë kompania Gjikuria me një ofertë sa 98,4% e fondit limit.
Konkretisht kompania Gjikuria ka ofruar 1.16 miliardë lekë, ndërsa skandali thellohet pasi kjo ofertë është renditur e pesta për nga çmimi.
Oferta më e mirë dhënë nga bashkimi i operatorëve kryesuar nga kompania Arifaj ishte 1 miliardë lekë ose 8,7 milionë euro, plot 1 milion euro më e leverdisshme se oferta e dhënë nga kompania Gjikuria.
Pastaj me radhë janë 3 oferta të tjera më të mira, por që janë skualifikuar nga Autoriteti rrugor shqiptar. Nga 7 oferta ARRSH ka skualifikuar 5, mes tyre 3 oferta më të mira dhe 2 më të larta se oferta fituese e dhënë nga kompania Gjikuria.
Ndërkohë në dokumentin zyrtar të shpalljes së fituesit siguruar nga News24, nuk ka asnjë informacion se pse është skualifikuar oferta e dhënë nga një bashkim operatoresh kryesuar nga kompania “BE – IS”, edhe pse kjo ofertë ishte e katërta më e leverdisshme, me një vlerë prej 9,4 milion euro, rreth 250 mijë euro më e lirë se oferta e kompanisë Gjikuria.
ARRSH ka renditur një sërë justifikimesh për skualifikimet, por dyshimet për paracaktimin e fituesit janë të mëdha pasi janë hequr katër oferta më të mira, që është dhe kriteri bazë i shpalljes së fituesit./Burimi: Balkanweb
Kësaj radhe skandali është përsëritur me tenderin 1,18 miliardë lekë ose 9,7 milion euro për rikonstruksionin e aksit 19 km të gjatë Maliq-Lozhan i Ri-Strelcë, ku fituese ka dalë kompania Gjikuria me një ofertë sa 98,4% e fondit limit.
