Reforma ne pensione, ISSH: Bashkepunim me bankat tregtare

Nga 450 mijë pensionistë që janë në Shqipëri vetëm 17500 e marrin pensionin nëpërmjetë bankës dhe pjesa tjetër e merr nëpërmjet postës.

Sipas drejtoreshës së Institutit të Sigurimeve Shoqërore Vjollca Braho, duhet që jo vetëm 3.4% e fondit të pensioneve të kalojë nga banka. Drejtori i Përgjithshëm i Credins Bank, Maltin Korkuti u shpreh se edhe pse kalimi i pensioneve nëpërmjet bankës duhet të shihet si potencial është e nevojshme që nga ana e ISSH-së, të shihet pjesa juridike që të përshtatet më shumë me procedurat bankare.

Ndërsa Ministri i Mirëqënies Sociale Blendi Klosi ka kërkuar nga bankat që komisionet të mos jenë shumë të larta pasi vlera e pensioneve aktuale nuk e lejon një gjë të tillë. Këto diskutime u bënë gjatë një takimi me drejtues të bankave të nivelit të dytë dhe përfaqësuesve të Institutit të Sigurimeve Shoqërore në kuadër të reformës së pensioneve.

Më të lexuarat