Mbi 7 mln euro borxhe, nis nderprerja e ujit per bizneset ne Kosove
Bizneset në Kosovë duket se nuk paguajnë kurrë faturat e ujit.
Borxhi i tyre tashmë ka shkuar në 7 milionë euro. Ujësjellësi Prishtina ka treguar se mbi 5 milionë euro borxhe kanë bizneset e vogla dhe mbi 2 milionë euro bizneset e mëdha.
Kompania Rajonale e Ujësjellësit ”Prishtina”, ka njoftuar konsumatorët e kategorisë së bizneseve, se duke filluar nga sot do të fillojë me aplikimin e shkëputjes nga sistemi i rrjetit të ujësjellësit, për ato biznese që kanë të papaguar një faturë të ujit e lart.
Sipas KRU “Prishtina”, borxhi total i sektorit të bizneseve të vogla e të mëdha është mbi 7 milionë euro. “Mbi 5 milionë euro bizneset e vogla dhe mbi 2 milionë euro bizneset e mëdha.
Ua kujtojmë se Kompania Rajonale e Ujësjellësit “Prishtina”, qëllimin kryesor e ka ofrimin e shërbimeve të furnizimit me ujë të pijshëm për të gjithë konsumatorët në zonën e shërbimit”.
Ujësjellësi ka treguar se masa e shkëputjes dhe më vonë ri-lidhjes do të shoqërohet edhe me shpenzime shtesë të cilat rrjedhin nga tarifat e parapara.
“Për të përmbushur këtë mision me sukses dhe për të ofruar furnizim stabil me ujë, sigurisht që kërkohet angazhim maksimal dhe ka kosto të lartë në trajtimin e ujit dhe mirëmbajtjen e rrjetit të ujësjellësit dhe kanalizimit, në vazhdimësi.
Në mënyrë që të ju ofrohet ky shërbim cilësor, kërkohet nga ju që të përmbushni obligimin tuaj ligjor ndaj pagesës së faturave të rregullta mujore për shpenzimin e ujit. Keni kohë 6 ditë të paguani të gjitha faturat e papaguara për shërbime të ujit dhe kanalizimit.
Masa e shkyçjes dhe më vonë ri-lidhjes do të shoqërohet edhe me shpenzime shtesë të cilat rrjedhin nga tarifat e parapara nga Autoriteti Rregullator për Shërbimet e Ujit dhe Urdhëresës Tarifore të Shërbimeve ARRU/UTSH-14/04/2022.
Në rast të ndonjë ndërhyrje të paautorizuar në rrjetin e ujësjellësit/pas aplikimit të shkyçjes, KRU “Prishtina ” sh.a. do të inicion kallëzime penale për secilin konsumatorë të kategorisë së bizneseve në rast se, ndërmarrin veprime të tilla të paligjshme.
Po ashtu, sipas Kodit Penal të Republikës së Kosovës – Kodi Nr.06 / L-074, Neni. 314 konsiderohen vepra penale çfarëdo manipulimi apo vjedhje që përfshihet edhe shërbimi me ujë të pijshëm”.
Borxhi i tyre tashmë ka shkuar në 7 milionë euro. Ujësjellësi Prishtina ka treguar se mbi 5 milionë euro borxhe kanë bizneset e vogla dhe mbi 2 milionë euro bizneset e mëdha.
