Cmimet ne Itali shenojne rritjen me te madhe ne 38 vitet e fundit

Rritja e çmimeve të produkteve ushqimore bazë në Itali në korrik, ka shënuar një rekord të ri.

Lajmi është bërë i ditur, nga Instituti italian i Statistikave Istat, i cili e ka cilësuar rritjen më të madhe të çmimeve në 38 vitet e fundit. Në korrik, produktet kryesore ushqimore dhe shtëpiake janë rritur me 9,1%, në krahasim me të njëjtin muaj të vitit 2021.

Sipas përllogaritjeve të deritanishme, inflacioni në fund të vitit pritet të shkojë në 6.7%. Në të njëjtën kohë, në muajin e fundit rritja e çmimeve të energjisë arriti në 42.9%, ndërsa në qershor, gjithmonë me bazë vjetore, ishte 48.7%.

Diçka e tillë çoi në një frenim të vogël të inflacionit, i cili në korrik, bazuar në të dhënat e deritanishme, do të jetë 7.9%./Burimi: abcnews.al

Më të lexuarat