Rriten cmimet, inflacioni ne Britani shenon rekord te ri
Inflacioni në Mbretërinë e Bashkuar arriti në nivelin më të lartë në 40 vite, muajin e kaluar, duke u rritur mbi 10% për herë të parë që nga viti 1982.
Çmimet e ushqimeve u rritën veçanërisht në korrik, shkruan CNN. Inflacioni, i cili në qershor arriti në 9.4% mbetet në nivelin më të lartë në 40 vitet e fundit.
Inflacioni po rritet me ritme më të shpejta nga sa kishin parashikuar ekonomistët dhe, siç parashikon Banka e Anglisë, mund të arrijë në 13% në tetor, kur rritjet e mëdha të çmimeve të energjisë do të hyjnë në fuqi për familjet.
Si rezultat, fuqia blerëse e britanikëve po tkurret me një ritëm rekord pasi pagat u ulën me 3% në tremujorin deri në fund të qershorit, sipas shifrave të publikuara nga ONS.
Shkaku i rritjes së inflacionit ishte rritja e çmimeve të bukës, drithërave apo produkteve të bulmetit si qumështi, djathi dhe vezët. Në bazë mujore, indeksi i çmimeve të konsumit u rrit me 0.6% në korrik, asnjë ndyshim nga viti i kaluar.
Çmimet më të larta të benzinës dhe naftës, janë gjithashtu një nga shkaqet./Burimi: abcnews.al
Çmimet e ushqimeve u rritën veçanërisht në korrik, shkruan CNN. Inflacioni, i cili në qershor arriti në 9.4% mbetet në nivelin më të lartë në 40 vitet e fundit.
