Rritja e cmimeve mbush buxhetin e shtetit, 326.7 mld leke ne 7 muaj
Buxheti i shtetit vazhdon të mbledhë më shumë të ardhura si rezultat i rritjes së çmimeve.
Sipas të dhënave të Ministrisë së Financave për periudhën janar-korrik 2022 u mblodhën 326.7 mld lekë duke pësuar një rritje me 16 % ose 44.9 mld më shumë se një vit më parë.
Nga treguesit fiskal vërehet se tre janë zërat kryesor që kanë kontribuar në shtimin e të ardhurave në buxhet. TVSH, akciza dhe tatimi mbi fitimin. Këto taksa lidhen direkt me efektin e shtrenjtimit të produkteve ushqimore dhe të karburanteve.
Nga të dhënat e INSTAT në korrik inflacioni arriti rekordin e shënuar në 20 vite dhe kjo mesa duket është përkthyer direkt në më shumë para për buxhetin e shtetit.
Të ardhurat nga TVSH, u realizuan në masën 21.8 miliardë lekë, ose 39.5% më shumë se 7 mujori 2021, ndërsa nga nga tatimi mbi fitimin u arkëtuan 27.4 miliardë lekë rreth 40% më shumë se e njëjta periudhë e viti të kaluar.
Edhe akciza ka pësuar rritje dhe nga ky zë në 7 muaj janë mbledhur 29 mld lekë ose 4% më shumë se një vit më parë.
Ndërkohë që janë rritur të ardhurat në arkën e shtetit, gjatë të njëjtës periudhë rezulton se qeveria ka ulur shpenzimet duke harxhuar rreth 311 miliard lekë nga 359 miliard lekë që ishin parashikuar.
Sipas të dhënave të Ministrisë së Financave për periudhën janar-korrik 2022 u mblodhën 326.7 mld lekë duke pësuar një rritje me 16 % ose 44.9 mld më shumë se një vit më parë.
