Qeveria e Kosoves do subvencionoje faturat per ata qe kursejne energji
Me qëllim përballimin e krizës energjetike dhe atë të rritjes së çmimeve, Qeveria e Kosovës ka ndarë 150 mln euro në kuadër të Pakos për përballje me inflacionin.
Kryeministri Albin Kurti së bashku me ministrin e Financave, Hekuran Murati gjatë prezantimit të Pakos kanë thënë se do të ketë subvencionim të faturave të energjisë elektrike, për ata që kursejnë, shkruan Telegrafi. “Do t’i subvencionojmë ata që kursejnë energjinë elektrike…”, pati thënë Kurti.
Ndërsa, Murati ka thënë se kjo masë do të fillojë nga muaji shtator. “Duhet të fillojmë të kursejmë. Këtu patjetër ka mënyra të ndryshme të kursimit. Për shembull, nëse janë shpenzuar 1,000 kWh për orë në vitin e shkuar dhe sivjet 900, mund të konsiderohet se është bërë kursim prej 10 për qind.
Për këtë përqindje, do ta mbështesim subvencionimin e faturës 20 për qind. Dyfishin e kursimit që e bëjnë qytetarët. Të gjithë qytetarët nuk kanë nevojë të aplikojnë pasi të dhënat janë në Zyrën e Rregullatorit”, ka shpjeguar Murati./Burimi: Telegrafi
Kryeministri Albin Kurti së bashku me ministrin e Financave, Hekuran Murati gjatë prezantimit të Pakos kanë thënë se do të ketë subvencionim të faturave të energjisë elektrike, për ata që kursejnë, shkruan Telegrafi. “Do t’i subvencionojmë ata që kursejnë energjinë elektrike…”, pati thënë Kurti.
