Bankers ul prodhimin e naftes me nje mije fuci ne dite
“Bankers” arriti një prodhim mesatar prej 18,137 fuçi në ditë në tremujorin e katërt 2015, raportoi dje kompania për tremujorin e fundit të 2015-s. Prodhimi mesatar vjetor është 19,384 fuçi në ditë kundrejt një prodhimi mesatar prej 20,690 fuçi në ditë në 2014-n.
“Duke vijuar me programin e injektimit të polimerit, u përfundua një numër i madh konvertimesh pusesh në injektim me polimer gjatë tremujorit të katërt, çfarë çoi në uljen e prodhimit aktual, por që pritet të rikuperohet në muajt e ardhshëm të 2016-s përmes puseve kompensuese”, sqaron kompania. Siç është njoftuar tashmë, në Shqipëri pati reshje të shumta dhe përmbytje në fillim të tremujorit të katërt, të cilat ndikuan në uljen e prodhimit me rreth 1 000 fuçi në ditë për një periudhë dyjavore.Ndërkohë, kompania vendosi të mbyllë disa puse të caktuara për të menaxhuar depozitimin e gazit në njësinë qendrore të trajtimit. Si pasojë e rënies së vazhdueshme të çmimeve të naftës në fund të vitit 2015, kompania vijoi të vlerësojë normën e kthimit të të gjitha puseve dhe vendosi të ndërpresë prodhimin në puset anësore në përputhje me mjedisin aktual ekonomik.
“Bankers” arriti një prodhim mesatar prej 18,137 fuçi në ditë në tremujorin e katërt 2015, raportoi dje kompania për tremujorin e fundit të 2015-s. Prodhimi mesatar vjetor është 19,384 fuçi në ditë kundrejt një prodhimi mesatar prej 20,690 fuçi në ditë në 2014-n.
