Secondary Adv

Cmimi i naftes ne bursa bie ne nivelin me te ulet qe nga janari

Çmimet e naftës ranë për të dytën ditë nga frika e kërkesës më të ulët për karburant nga një recesion i pritshëm global shkaktuar nga rritja e normave të interesit.

 

Kjo vjen në një kohë kur dollari amerikan po pëson një rritje dhe kufizon aftësinë e konsumatorëve “jo-dollar” për të blerë naftë. Kontratat e së ardhmes së naftës së papërpunuar Brent, ranë 54 cent, ose 0.63%, konkretisht në 85.61 dollarë për fuçi.

 

Kontratat e së ardhmes së naftës së papërpunuar të Teksasit Perëndimor (WTI) për nëntorin ranë 48 cent, ose 0,61%, në 78,26 dollarë. Të dyja kontratat ranë rreth 5% të Premten në nivelin më të ulët që nga janari.

 

Indeksi i dollarit që mat monedhën e gjelbër kundrejt një shporte valutash kryesore u ngjit të hënën në nivelin më të lartë të 20 viteve.

 

Një monedhë më e fortë e gjelbër tenton të pakësojë kërkesën për naftë në dollarë, pasi blerësit që përdorin monedha të tjera duhet të shpenzojnë më shumë për të blerë naftë të papërpunuar./Burimi: abcnews.al


Më të lexuarat