Inflacioni ne Turqi arrin ne 85 per qind, qeveria nuk rrit normen e interesit

Inflacioni në Turqi u rrit për të 17-in muaj radhazi në tetor, duke arritur 85.5% nga viti në vit pasi çmimet e ushqimeve dhe energjisë vazhdojnë të rriten.

Çmimet e ushqimeve ishin 99% më të larta se e njëjta periudhë e vitit të kaluar, banesat u rritën me 85% dhe transporti u rrit me 117%, njoftoi të enjten Instituti i Statistikave Turke.

Indeksi i çmimeve të prodhimit vendas tregon një rritje vjetore prej 157.69% dhe u rrit me 7.83% në bazë mujore. Rritja mujore e çmimeve të konsumit ishte 3,54%.

Rritja dramatike e kostove të jetesës për vendin prej 85 milionë banorësh ka vazhduar e pandërprerë për gati dy vjet, së bashku me zhvlerësimin e ndjeshëm të monedhës turke, lirës.

Në mënyrë kontroverse, presidenti turk Rexhep Tajip Erdogan refuzon të rrisë normat e interesit, duke këmbëngulur se kjo do të dëmtonte ekonominë.

Ekonomistët dhe kritikët thonë se politikat e tij kanë vazhduar të dëmtojnë lirën dhe të rrisin inflacionin në vend./Burimi: SCAN

Më të lexuarat