Ministria e Inovacionit: Dixhitalizimi i administrates ul nivelin e korrupsionit

Vonesa apo shpeshherë edhe mungesë të përgjigjjes për një çështje të caktuar nga ana e administratës publike janë denoncuar nga qytetarët.

Për të përmirësuar këtë  problematikë qeveria shqiptare do të zbatojë një projekt për dixhitalizimin e shërbimeve për qytetarin. Ministria e Inovacionit, Milena Harito,  u shpreh gjatë prezantimit të  marrëveshjes me Bankën Botërore për një kredi të butë, se  kjo do të  ndikojë në uljen e nivelit të korrupsionit në administratën shtetërore.

Por, deputeti i PD, Sherefedin Shehu, duke qënë dyshues për implementimin e këtij projekti, tha se  në këtë mënyrë, qeveria po e përqëndron korrupsionin. Sipas një studimi të hartuar nga Ministria e Inovacionit, aktualisht qytetarët shqiptare marrin  nga administrata shtetërore mbi 1400 shërbime. Ky numër përfshin  shërbimet publike në nivel lokal dhe qëndror. 

Më të lexuarat