Raporti i KE: 32.3 per qind e te rinjve shqiptare jane te papune
Komisioni Europian vlerëson në raportin e fundit për Shqipërinë se papunësia te të rinjtë mbetet e lartë, duke arritur në fund të vitit 2015 në nivelin 32.3%.
Punësimi është ngadalësuar në bujqësi, sektori që gjeneron edhe numrin më të madh të vendeve të punës. Ndërsa në shkallë vendi, KE konstaton një shkallë papunësie prej 17.5% për Shqipërinë, tregues që ka pësuar rritje me 0.2% në tremujorin e fundit të vitit 2015.Shqipëria ka një nivel të lartë të papunësisë te të rinjtë, që konsiderohet shqetësuese.
Komisioni Europian vlerëson në raportin e fundit se shkalla e papunësisë te të rinjtë në tremujorin e fundit të vitit 2015 pësoi një rënie prej 1.9% kundrejt tremujorit të mëparshëm, por sërish ajo mbetet shumë e lartë në nivelin e 32.3%.
Raporti evidenton situatën në bujqësi, që është edhe sektori që gjeneron numrin më të madh të vendeve të punës në Shqipëri.Sipas Komisionit Europian, në tremujorin e fundit të vitit 2015, krijimi i vendeve të punës në agrobujqësi u ngadalësua.Ndërsa në total, niveli i papunësisë në Shqipëri arriti në fund të 2015-ës në 17.5%, duke u rritur me 0.2% kundrejt tremujorit të tretë të këtij viti.Krijimi i vendeve të punës në Shqipëri, veçanërisht te të rinjtë, konsiderohet problematik pasi ka mospërputhje të forta mes kërkesës dhe ofertës.Nga ana tjetër, shkalla e papunësisë vlerësohet të jetë shumë e më e lartë sesa të dhënat zyrtare, pasi jo të gjithë të papunët raportojnë pranë zyrave të punësimit, ku edhe regjistrohen, ndërsa nuk ka të dhëna të sakta për punësimin në bujqësi.
Komisioni Europian vlerëson në raportin e fundit për Shqipërinë se papunësia te të rinjtë mbetet e lartë, duke arritur në fund të vitit 2015 në nivelin 32.3%.
