Bashkite dhe ujesjellesit rrisin borxhet, ja debitoret me te medhenj
Shoqëritë e ujësjellës-kanalizime dhe bashkitë kanë nivele të larta borxhesh.
Sipas të dhënave të Ministrisë së Financave detyrimet e ujësjellësave vlerësohet se kanë arritur në 587 milion lekë nga 574 mln që kanë qenë në dhjetor të vitit 2021.
Kompantiotë më problematike të ujësjellësave rezultojnë se janë ai i Tiranës me gati 278 mln lekë, por kjo shoqëri nuk vlerësohet në krizë pasi edhe të ardhurat i ka të larta.
Më pas renditet usjellësi i Krujës me 204 mln lekë, ndjekur nga Hasi me 56 mln , Malësi e Madhe dhe Elbasani. Për të mirmenaxhuar këtë situate ministria e infrastrukturës ka ndërmarë një reformim të sektorit të Ujit.
Synimi është ridimensionimi i 61 ndërmarrjeve UK-së aktuale, përmes rigrupimit të tyre në 15 subjekte me kompetenca të përbashkëta të cilat do të jenë shoqëri të reja aksionare, me qëllim menaxhimin optimal dhe rritjen e performancës së tyre financiare.
Në nivele shqetësuese vijojnë të mbeten edhe borxhet e bashkive. Sipas statistikave të ministrisë së financave në shtator të këtij viti borxhet rezultojnë 6.6 mld lekë i njëjti nivel me dhjetorin e vitit të kaluar.
Peshën kryesore të këtyre detyrime e mbajnë vendimet gjyqësore për largimet e padrejta nga puna e më pas vijnë shërbimet, investimet pa fonde dhe mirmbajtja.
Edhe në rang bashkish nivelin më të lartë të borxhit e ka Tirana me 1.4 mld lekë e ndjekur nga Kavaja me 741 mln lekë, si dhe Vora 413 mln. Qeveria po i kushton një fokus të posaçëm shlyerjes së detyrimeve të prapambetura nga njësitë e vetëqeverisjes vendore.
Ministria e Financave dhe Ekonomisë në bashkëpunim me njësitë e vetëqeverisjes vendore është duke zbatuar një plan veprimi për shlyerjen e detyrimeve madje edhe i ka kërcënuar se do të miratojë një administrator për ato bashki që nuk marrin masa për të shlyer borxhet.
Sipas të dhënave të Ministrisë së Financave detyrimet e ujësjellësave vlerësohet se kanë arritur në 587 milion lekë nga 574 mln që kanë qenë në dhjetor të vitit 2021.
