Kina rihap kufijte per turistet, heq karantinen e detyrueshme

Kina ka rihapur kufijtë e saj për vizitorët ndërkombëtarë për herë të parë që kur vendosi kufizimet për udhëtimet nga marsi i 2020-ës.

Udhëtarët që vijnë nuk do të kenë më nevojë të karantinohen duke shënuar një ndryshim të rëndësishëm në politikën e vendit për Covid pasi lufton me një rritje të rasteve.

Ata do të kërkojnë ende një test PCR negativ të marrë brenda 48 orëve nga udhëtimi. Lëvizja është mirëpritur nga turistët si dhe ata që duan të ribashkohen me familjen.

Në Hong Kong, 400,000 njerëz pritet të udhëtojnë në Kinën kontinentale në javët e ardhshme me radhë të gjata për fluturime në qytete duke përfshirë Pekinin dhe Xiamenin.

Rihapja e vendit vjen në fillimin e “chun yun”, periudhës së parë të udhëtimit të Vitit të Ri Hënor. Para pandemisë ishte migrimi më i madh vjetor në mbarë botën i njerëzve që ktheheshin në shtëpi për të kaluar kohë me familjen.

Dy miliardë njerëz pritet të udhëtojnë për këtë Vit të Ri Hënor, dyfishi i numrit që udhëtuan vitin e kaluar./Burimi: abcnews.al

Më të lexuarat