Miratohet ligji per gazet me efekt serre, Kumbaro: Impakt te madh te biznesi

Sipërmarrësit që importojnë, eksportojnë, shesin apo mirëmbajnë pajisje që përmbajnë gaze me efekt serrë të floruara duhet të përmbushin një sërë detyrimesh.

Gjithçka parashikohet në ligjin “Për gazet serrë të floruara”, që u miratua në Komisionin pralamentar të Veprimtarive Prodhuese.

Këto gaze përdoren kryesisht në qarqet ftohës të frigoriferëve, pajisjet e ajrit të kondicionuar, pompat e nxehtësisë dhe sistemet e mbrojtjes nga zjarri, ndaj impakti te bizneset, sipas ministers së Turizmit dhe Mjedisit, Mirela Kumbaro do të jetë i konsiderueshëm.

Sipërmarrësit që do të licencohen do të duhet të raportojnë peridikisht mbi kategoritë e produkteve ose pajisjeve që përmbajnë këto lloj gazrash si dhe numrin e njësive, ndërkohë që do të përcaktohet një kuotë vjetore për sasinë e lejuar për t’u importuar.

Ligji parashikon edhe gjoba, në rast të shkeljes së detyrimeve. Gjithsesi, për shkak të ndikimit në kosto që ky ligj do të ketë te bizneset, efektet e tij do të shtrihen nga janari i vitit që vjen, ndërkohë që Ministria e Turnizimit dhe Mjedisit do të ketë 2 vjet në dispozicion për nxjerrjen e akteve nënligjore./Burimi: SCAN

Më të lexuarat