Pronaret e karburanteve ne Itali ne greve 2 ditore

Pronarët e karburanteve në Itali do nisin një grevë 48-orëshe nga sot deri të enjten, pasi nuk arritën një marrëveshje në 2 mbledhjet me kryeministren Meloni.

Kryeministrja italiane përsëriti të hënën se nuk do të ndryshojë dekretin e fundit të qeverisë, i cili ndër të tjera kërkon që stacionet e karburanteve të dorëzojnë një bilanc çdo ditë të çmimit mesatar të karburantit në vend.

“Ne kemi mbajtur tashmë dy takime, qeveria nuk i miratoi këto masa për të synuar këtë kategori, por përkundrazi për të treguar se ka shumë profesionistë të ndershëm,” tha Georgia Meloni. Por pronarët këmbëngulin se rritja e çmimit të karburantit nuk vjen nga fitimi i tyre.

Përveç kësaj, ata kujtojnë se qeveria e re nuk ka rinovuar uljen e taksave të miratuar nga qeveria e mëparshme, ajo e Mario Draghit dhe konsiderojnë se ka nisur një fushatë që besojnë se ka për qëllim shpifjen ndaj tyre./Burimi: abcnews.al

Më të lexuarat