Mbi 941 954 qytetarë janë pajisur me karta shëndeti deri në datën 10 shkurt 2016, njoftoi dje Fondi i Sigurimit të Detyrueshëm të Kujdesit Shëndetësor.
Vetëm për periudhën 5 janar – 11 shkurt 2016, janë shpërndarë rreth 249 528 karta shëndeti në të gjithë Shqipërinë, për të gjitha kategoritë përfituese të skemës së sigurimit shëndetësor, ndërkohë që gjatë gjithë vitit 2015 janë shpërndarë rreth 692 426 karta shëndeti.Kategoritë që deri më tani kanë numrin më të madh të kartave aktive të shëndetit janë fëmijët nga 0–12 muaj me 15 666 karta, fëmijët nga 1-18 vjeç me 108 550 karta, të papunë/punëkërkues me 59 928 karta, të punësuarit me 105 883 karta, studentët me 24 109 karta dhe pensionistët me 250 495 karta shëndeti aktive. Për eliminimin e radhëve u bë shtyrja e afatit të librezës shëndetësore deri më 30 prill 2016, ndërsa janë hapur edhe një sërë sportelesh të reja në të gjithë vendin. Këto masa, sipas njoftimit, do të vijojnë brenda një kohe shumë të shkurtër me aplikimin edhe të sistemeve të reja informatike, të cilat parashikohet të ulin ndjeshëm kohën e pajisjes me kartë shëndeti.
Mbi 941 954 qytetarë janë pajisur me karta shëndeti deri në datën 10 shkurt 2016, njoftoi dje Fondi i Sigurimit të Detyrueshëm të Kujdesit Shëndetësor.
