Ministria e Financave: Inflacioni do te ulet ne 3 per qind ne fund te 2023
Niveli i lartë i çmimeve pritet të stabilizohet në fund të këtij vitit.
Pas një viti të vështirë ku inflacioni arriti në nivele rekord,ministria e financave parashikon që inflacioni do rikthkehet gradualisht drejt targetit të tij prej 3% në fund të vitit 2023.
Në kuadrin makroekonomik për vititin 2024-2026 të publikuar së fundmi vlerësohet se inflacioni në vend do të vijoj të qëndroj rreth këtij niveli edhe në vitet e ardhshme.
Niveli më i lartë i inflacionit është regjistruar në muajin Tetor të vitit të kaluar me 8.3 për qind dhe më pas ka nisur një tendencë rënëse duke arritur në 7.4% në muajin dhjetor.
Nisur nga ulaj e nivelit të inflacionit ecuria ekonomike në vend pritet të jetë pozitive.Një ngadalësim parashikohet vetëm për këtë vit ku niveli i rritjes ekonomike pritet të jetë 2.6% ndërsa duke nisur nga viti i ardhshëm niveli i rritjes së ekonomisë në vend parashikohet të jetë më i lartë duke u rikthyer nivelit prej 4%.
Gjatë periudhës afatmesme rritja pritet të gjenerohet kryesisht nga kërkesa brendshme, si konsumi, ashtu edhe investimet.Konsumi privat parashikohet të jetë sërish nxitësi kryesor i rritjes së PBB, stimuluar kryesisht nga përmirësimi i besimit të konsumatorit, si dhe nga përmirësimi në tregun e punës.
Këto të fundit priten të transmetohen në një rritje graduale të pagave, të cilat do tëstimulojnë të ardhurat reale të disponueshme të individëve
Po ashtu ministria e financave vlerëson se edhe kredimarrja për konsum do të nxitet edhe nga përmirësimi i kushteve financiare të individëve, pas kapërcimit të efektit negativ që goditja e ofertës ka shkaktuar në inflacion dhe në normat e interesit.
Ndërsa rritja graduale e investimeve pritet të nxitet nga një shfrytëzim më i intensifikuar i kapaciteteve ekzistuese të prodhimit, si dhe nga përshpejtimi i aktivitetit ekonomik gjatë periudhës si dhe nga perceptimi i përmirësuar i biznesit mbi perspektivën ekonomike afatmesme.
Pas një viti të vështirë ku inflacioni arriti në nivele rekord,ministria e financave parashikon që inflacioni do rikthkehet gradualisht drejt targetit të tij prej 3% në fund të vitit 2023.
