Pas shkarkimit te Shkelqim Canit, jep doreheqjen edhe Drejtoresha e Pergjithshme e Borxhit

Dy ditë pas shkarkimit të ministrit Shkëlqim Cani, një tjetër zyrtar i rëndësishëm ka dhënë dorëheqjen ditën e sotme.Burime nga ky institucion bëjnë të ditur për Panorama Online se Drejtoresha e Përgjithshme e Borxhit, Adela Xhemali ka dhënë dorëheqjen.

Në një njoftim zyrtar nga Ministria e Financave, bëhet me dije edhe arsyeja e dorëheqjes:
“Lidhur me deklarimet e bëra sot në Kuvend si dhe te transmetuara në ndonjë nga mediat online sa i përket   “dorëheqjes” së Drejtorit të Drejtorisë së Përgjithshme të Borxhit Publik, sqarojmë se e vërteta e këtij lajmi është si më poshtë:Drejtori i Përgjithshëm i Drejtorisë së Borxhit Publik,  në mbështetje të ligjit nr. 152/2013 “Për nënpunësin civil”,  ka paraqitur kërkesën për pezullim, për arsye familjare”.Burimet bëjnë të ditur se nuk përjashtohet mundësia që edhe zyrtarë të tjerë të largohen gjatë këtyre ditëve.

Më të lexuarat