Zgjedhjet e pergjithshme ne Turqi do mbahen me 14 maj

Presidenti turk Erdogan tha se zgjedhjet presidenciale dhe parlamentare të Turqisë do të mbahen më 14 maj, pak më shumë se 3 muaj pas tërmeteve shkatërruese.

“Ky komb do të bëjë atë që është e nevojshme më 14 maj nëse do Zoti,” tha Erdogan në një fjalim para ligjvënësve të Partisë AKP në parlament.

Ishte hera e parë që presidenti turk konfirmoi datën e zgjedhjeve pas tërmeteve të 6 shkurtit. Kujtojmë se ka pasur pakënaqësi të madhe popullore ndaj qeverisë turke dhe reagimit të shtetit ndaj tërmeteve.

Presidenti i Turqisë, gjatë vizitës së tij në qytetin e goditur nga tërmeti, Antiyaman, kërkoi falje, para protestave publike.

“Fatkeqësisht, për shkak të shkatërrimit të lëkundjeve të forta dhe kushteve të këqija atmosferike dhe vështirësive për shkak të shkatërrimit të infrastrukturës, nuk mundëm të punonim siç do të kishim dashur në Antiyaman në ditët e para. Dhe për këtë kërkoj falje”, tha ai./Burimi: abcnews.al

Më të lexuarat