Konferenca e donatoreve, Shqiperia 1 milione euro per rindertimin e Turqise

Qeveria shqiptare ka ofruar 1 milionë euro për rindërtimin e qyteteve të rrënuara nga tërmeti në Turqi.

Zevendeskryeministrja dhe Ministrja e Infrastrukturës dhe Energjisë, Belinda Balluku, përfaqësoi Shqipërinë në konferencën e donatorëve të mbajtur në Bruksel, nga ku theksoi se ky është një moment solidariteti me popullin turk, duke qenë se vendi ynë ka përjetuar të njëjtën gjë në vitin 2019 dhe ka pasur mbështetjen e Turqisë për rindërtimin.

Sipas Ballukut, kjo është një mbështetje modeste por tregon solidaritetin e Shqipërisë për shtetin turk në ditë të vështira si dhe bashkëpunimin mes dy vendeve.

Më 6 Shkurt të këtij viti Turqia u godit nga një tërmet  me magnitudë 7.8, i cili pasoi me mijëra të vdekur dhe të plagosur si dhe mijëra banesa të shembura.

Ndërkohë që përgjatë gjithë muajit janë regjistruar lëvizje të tjera të forta të tokës të cilat kanë thelluar bilancin në dëme njerëzore dhe materiale./Burimi: Scan

Më të lexuarat