Guvernatori Sejko: Ekonomia shqiptare po ecen me ritme te mira

Guvernatori i Bankës së Shqipërisë Gent Sejko ka bërë një prezantim të problemeve që ka ekonomia jonë, kreditë më probleme dhe ndikimi që ka kriza globale në vendin tonë.

“Kreditë me probleme kulmuan kur arritën nivelin prej 25 për qind të totalit të kredive. Problemi nuk ishte vetëm shqiptar, por global. Të gjithë ekonomitë në zhvillim, veçanërisht ato në rajonin tonë pësuan goditje të forta. Sistemet financiare, monedhat, konsumi, investimet ishim më të prekurat. Shumë prej planeve të biznesit, të hartuara dhe të vëna në zbatim në periudhën e para krizës dështuan. Situata vazhdoi e tillë për një periudhë 7-vjeçare, deri në vitin 2015, vit që do ta cilësoja si vitin e kthesës së shumë pritur”, tha guvernatori Sejko.

Me tej ai shtoi se ekonomia shqiptare është drejt gjallërimit dhe po ecën me ritme të mira.
“Falë përpjekjeve të koordinuara me të gjithë aktorët institucionalë mundësuam një rënie të ndjeshme në rënien e nivelit të kredive të këqija. Ajo që dua të sjellë në vëmendjen tuaj është të analizojmë shkaqet dhe arsyet se pse jemi në këtë situatë. Shenjat e gjallërimit të ekonomisë shqiptare janë prezente dita-ditës”, deklaroi ai.

Më të lexuarat