Ministria e Bujqesise, fond 3.4 milion euro per kompensimin e 4 mije fermereve deri ne Prill

Ministria e Bujqësisë Zhvillimit Rural dhe Administrimit të Ujrave ka vënë në dispozicion  një fond prej 3.4 milionë euro, për kompensimin e rreth 4 mijë fermerë të prekur nga përmbytjet e vitit të kaluar në disa zona në jug të Shqipërisë.

Ministria e Bujqësisë ka bërë një vlerësim të familjeve që janë prekur dhe dëmet e përmbytjeve dhe parashikon që brenda muajit Prill do të kompensojë fermerët e prekur.

Bashkë me grantet e IPARD në total fondi për rikuperimin e dëmeve në bujqësi dhe rivendosjen e kapaciteteve prodhuese, do të arrijë në 6.4 milion euro.
Sipas ministrisë së Bujqësisë 2.7 milion euro, do të jenë në formë grante te IPARD, që do të menaxhohen dhe shpërndahen nëpërmjet Agjencisë së Zhvillimit Bujqësor dhe Rural. Nëpërmjet këtij fondi pritet të kompensohen rreth 200 biznese.

Më të lexuarat