OKB: Mbi 5 mln ukrainas perfituan azil ne Europe qe nga fillimi i luftes
Që nga fillimi i luftës në Ukrainë, 5,008,482 ukrainas kanë marrë statusin e mbrojtjes së përkohshme në vendet evropiane.
Sipas UNHCR-së, nga 31 janari deri më 28 mars, numri i qytetarëve ukrainas që morën statusin zyrtar të mbrojtjes në vendet evropiane u rrit me 185,000 njerëz. Shumica e ukrainasve me status të mbrojtjes së përkohshme jetojnë në Poloni, më shumë se 1.57 milion njerëz.
Polonia pasohet nga Gjermania (922,000) dhe Republika Çeke (502,000). Më shumë se 191,000 refugjatë ukrainas jetojnë në Mbretërinë e Bashkuar. Italia dhe Spanja u dhanë azil përkatësisht më shumë se 173,000 dhe 171,000 ukrainasve.
Më shumë se 123,000 ukrainas janë vendosur në Rumaninë fqinje. Franca, Finlanda dhe Danimarka kanë pranuar përkatësisht 119,000, 50,000 dhe 38,000 refugjatë ukrainas.
Që nga 24 shkurt 2022, më shumë se 8 milionë refugjatë ukrainas kanë ikur në Evropë. Disa prej tyre tashmë janë kthyer në shtëpi ose janë larguar në vende të tjera./Burimi: Balkanweb
Sipas UNHCR-së, nga 31 janari deri më 28 mars, numri i qytetarëve ukrainas që morën statusin zyrtar të mbrojtjes në vendet evropiane u rrit me 185,000 njerëz. Shumica e ukrainasve me status të mbrojtjes së përkohshme jetojnë në Poloni, më shumë se 1.57 milion njerëz.
