Dyfishohen rastet e korrupsionit ne 2022, rekord dosjesh ne Tirane
Sipas një raporti të Prokurorisë së Përgjithshme të dorëzuar në Kuvend, gjatë 2022, hetimet për korrupsion u rritën me 2.6 herë krahasuar me një vit më parë.
Referuar të dhënëve të bëra publike nga 100 procedime penale të regjistruara në vitin 2021, në vitin 2022 u hetuan 261 dosje për veprat penale të korrupsionit. Në raport thuhet se është rritur me 3 herë edhe numri i procedimeve që janë dërguar në gjykatë.
Ndërkohë rezulton se 36% e të pandehurve janë pjesë e administratës shtetërore, ndërsa pjesën kryesore prej 44 % e zë sektori privat dhe 20 % prej tyre të pa punë. Nuk kanë mungvuar edhe shtetasit e huaj të përfshirë në korrupsion në vendin tonë ku janë marrë 6 të pandehur.
Numrin më të lartë të dosjeve për korrupsion në vitin 2021 e ka patur prokuroria e Tiranës me 77 %, pasuar nga ajo e Durrësit dhe Shkodrës me 4 dhe 3 %, ndërsa Kurbin, Mat, Përmet, Pukë, Tropojë nuk është regjistruar asnjë hetim për korrupsion.
Në analizën e Prokurorisë në 80 % të rasteve rezulton se është kërkuar masa e arrestit me burg ndërsa 98 përqind e të pandehurve rezultojnë meshkuj. Në lidhje me gjendjen gjyqësore 96,2 % e të pandehurve janë të padënuar dhe e kanë kryer për herë të parë këtë vepër penale./Burimi: abcnews.al
Referuar të dhënëve të bëra publike nga 100 procedime penale të regjistruara në vitin 2021, në vitin 2022 u hetuan 261 dosje për veprat penale të korrupsionit. Në raport thuhet se është rritur me 3 herë edhe numri i procedimeve që janë dërguar në gjykatë.
