Miratohet ndertimi i 3 centraleve eolike, shteti merr 2 per qind te prodhimit
Qeveria ka miratuar ndërtimin e tre parqeve të prodhimit të energjisë nga era, teksa fuqia e instaluar e secilit central do të jetë 3 MW.
Sipas vendimeve, projektet planifikohen të ndërtohen në Tragjas të Vlorës, ndërsa afati i pritshëm i vënies në punë është brenda 36 muajsh.
Centralet që do të gjenerojnë energji nga era, parashikohet të kenë një afat operimi prej 49 vitesh nga hyrja në fuqi e vendimit, teksa nuk do të jenë objekt koncesioni.
Kompanitë, që do të ndërtojnë këto parqe eolike do të duhet t’i japin falas, në formë rente, ministrisë përgjegjëse për energjinë, 2 % të sasisë vjetore të prodhimit të energjisë elektrike ose konvertimin e saj në vlerë monetare.
Së bashku, me një proejtk të ngjashmë, të miratuar 1 muaj më parë, numri i centraleve eolikë të miratuar nga qeveria përgjatë këtij viti shkon në 4.
Energjia e prodhuar nga era nuk është e shfrytëzuar ende në vendin tonë, ndonëse interesi i investitorëve nuk ka munguar, duke qenë se vetëm vitet e fundit një numër i konsiderueshëm aplikimesh është depozituar pranë Ministrisë së Infrastrukutrës dhe Energjisë.
Po ashtu, rreth 2 vjet më parë Enti Rregulaltor i Energjisë rishikoi licencat e dhëna para një dekade, duke vendosur revokimin e 3 prej tyre dhe rinovimin për 3 licenca të tjera.
Gjithsesi, kompanitë mbajtëse të tyre, ende nuk kanë finalizuar ndërtimin e parqeve eolike, ndërkohë që edhe një ankand i hapur nga MIE është ende në fazë zhvillimi./Burimi: SCAN
Sipas vendimeve, projektet planifikohen të ndërtohen në Tragjas të Vlorës, ndërsa afati i pritshëm i vënies në punë është brenda 36 muajsh.
