Bllokohet neser Bypass-i i Fierit, ja si do devijohet qarkullimi

Ditën e nesërme do të bllokohet Bypass-i i Fierit, për shkak të punimeve që po kryhen për rehabilitimin e mbikalimit në kilometrin 18. 

ARRSH ka njoftuar se për shkak të punimeve që do kryhen për rehabilitimin e mbikalimit në kilometrin 18 të Bypass-it të Fierit, do devijohet trafiku në rrugën e vjetër Fier-Vlorë. Kjo ndërhyrje do të fillojë ditën e nesërme, datë 26.04.2023, ora 09:00 dhe do të zgjasin përreth 4 orë.

Në bashkëpunim me Policinë e Qarkullimit Rrugor, janë marrë masat për devijimin e trafikut sipas Planit të Menaxhimit të Trafikut, si dhe vendosjen e sinjalistikës provizore për të orientuar përdoruesit e rrugës.

“Kërkojmë mirëkuptimin e banorëve dhe përdoruesve të rrugës për këtë ndërhyrje që po kryhet në këtë aks”, njofton ARRSH./Burimi: Balkanweb

Më të lexuarat