Sondazhi i GIZ: 66 per qind e konsumatoreve hasin veshtiresi ne blerjen e mallrava dhe sherbimeve
66% e konsumatorëve shqiptarë hasin probleme kur vjen fjala tek blerja e mallrave dhe shërbimeve, ndërkohë që 92% e këtyre problemeve nuk zgjidhen nga ana e shitësve.
Një sondazh i zhvilluar nga Bashkëpunimi Gjerman për Zhvillim në Shqipëri, GIZ, në bashkëpunim me Ministrinë e Ekonomisë nxjerr në pah se konsumatori shqiptar është më masë të madhe i pambrojtur ndaj praktikave të padrejta tregtare, ndërkohë që mjaft i ulët mbetet edhe informimi i qytetarëve mbi të drejtat që u garanton ligji mbi mbrojtjen e konsumatorit.
Ekspertja e GIZ Esmeralda Shehaj bëri publike rezultatet e sondazhit të kryer mbi 1200 konsumatorë gjatë një takimi ku morën pjesë Ministria e Ekonomisë si dhe shoqatat e mbrojtjes së konsumatorit. Sipas Ministres së Ekonomisë Milva Ekonomi, për këtë qëllim është hartuar strategjia pesë vjeçare për mbrojtjen e konsumatorit, por edhe krijimi i inspektoriatit të mbikqyrjes së tregut.
66% e konsumatorëve shqiptarë hasin probleme kur vjen fjala tek blerja e mallrave dhe shërbimeve, ndërkohë që 92% e këtyre problemeve nuk zgjidhen nga ana e shitësve.
