Korridori VIII shkurtohet me 20 km, caktohet dogana e re me Maqedonine

Autoritetet shqiptare dhe maqedonase kanë dakordësuar pikën e re doganore mes 2 vendeve, si pjesë e projektit rrugor të korridorit 8, që synon shmangien e Qafë Thanës.

Gjithçka u bë me dije gjatë inspektimit të punimeve në një prej loteve të këtij korridori, që ka një gjatësi prej 5 km. Balluku foli edhe për ndërtimin e bypassit të Elbasanit, duke bërë me dije se pas hartimit të projektit do të aplikohet për kredi, me qëllim sigurimin e fondeve për ndërtimin e tij.

Korridori VIII është konceptuar për të lehtësuar shkëmbimin e mallrave dhe pasagjerëve midis vendeve të BE-së, shteteve të Ballkanit që kanë dalje në Detin e Zi dhe Detin Kaspik dhe shteteve të Azisë Qendrore.

Ai nis nga portet italiane të Barit dhe Brindizit, në portet e Durrësit e Vlorës dhe më pas vazhdon drejt Tiranës, Shkupit dhe Sofjes, duke mbërritur deri në portet e Burgasit dhe Varnës në Detin e Zi./Burimi: SCAN

Më të lexuarat