Njesoj si Franca, edhe Britania pritet te rrise moshen e daljes ne pension

Ministrat pritet të miratojnë rritjen e moshës së pensionit në 68 vjeç në 2 vitet e para të punës së parlamentit, ka sugjeruar Mel Stride, sekretari i punës dhe pensioneve.

Pas vonesës në marrjen e vendimit, Stride tha se vendimi do të miratohej por ndoshta nga pasardhësi i tij në detyrë.

Sipas planeve aktuale, mosha e pensionit prej 66 vjeç do të rritet në 67 vjeç në një hyrje me faza midis 2026 dhe 2028, dhe më pas në 68 midis 2044 dhe 2046, duke prekur njerëzit e lindur pas prillit 1977.

Megjithatë, me zgjedhjet e përgjithshme që priten në vjeshtën e vitit të ardhshëm, ministrat kishin frikë nga një reagim i mundshëm nga votuesit e moshës së mesme.

Trazirat në Francë për një rritje të planifikuar të moshës së pensionit të vendit nga 62 në 64 kanë frikësuar gjithashtu zyrtarët e Mbretërisë së Bashkuar./Burimi: abcnews.al

Më të lexuarat