Mbyllet numerimi ne Patos, Skrapar, Bulqize dhe Mat, PS fituese

Mbyllet procesi i numërimit edhe në Bulqizë me fitoren e PS.

Sipas rezultateve paraprake nga KQZ, kandidatja e PS, Festime Mjeshtri, ka marrë deri më tani 8364 vota, ose 60.27 %. Sakaq, kandidati i “Bashkë Fitojmë”, Dëfrim Fiku ka grumbulluar 5514 vota ose 39.73%.

PS merr një tjetër bashki, siç është ajo e Skraparit. Adriatik Memaj ka marrë një tjetër mandat përballë kandidati i koalicionit “BF”, Euglen Mustafallari.

Partia Socialiste merr një tjetër bashki të vendit. Raportohet se në bashkinë e Patosit është mbyllur numërimi i votave, ku Fatjon Duraj ka marrë mandatin e parë në krye të bashkisë. Duraj ka më shumë se 5500 vota diferencë.

Ka përfunduar procesi i numërimit edhe në Mat, ku janë numëruar 49 kutitë dhe fitoren e ka marrë kandidati i PS.

Sipas rezultateve, Agron Malaj i PS ka marrë deri më tani 8753 vota. Ndërkohë kandidati i Bashkë Fitojmë, Skënder Gjuci ka marrë 4216 vota./Burimi: Balkanweb

Më të lexuarat