Rriten cmimet ne Bosnje, kryesojne banesat dhe ushqimet baze
Rritja e çmimeve në Republikën e Bosnjës në muajin prill është reflektuar më së shumti në çmimet e banesave, shërbimeve komunale dhe ushqimeve bazë.
Inflacioni mujor ishte 0,3%, ndërsa inflacioni vjetor ishte 9%, sipas të dhënave të Institutit të Statistikave. Sipas këtyre të dhënave, nga 12 seksione të produkteve dhe shërbimeve, në dhjetë prej tyre janë vënë re çmime më të larta dhe në dy seksione, çmime më të ulëta.
“Rritja më e lartë vjetore e çmimeve në prill të këtij viti, është vënë re në sektorin e banesave, përkatësisht me 20,2%, si pasojë e rritjes së çmimeve prej 24,4% në energjinë elektrike dhe grupet e tjera të energjisë,
e ndjekur nga rritja e çmimeve në sektorin e mirëmbajtjes dhe riparimit të njësive të banimit me 11,7%, furnizimit me ujë dhe shërbime të tjera komunale me 8,7%,
si dhe në sektorin e ushqimeve dhe pijeve joalkoolike me 13,8%, si pasojë e rritjes së çmimeve në produktet e bulmetit dhe qumështit me 28,1% dhe peshkut me 24,8%”, thuhet në të dhënat e institutit.
Duke krahasuar të dhënat e vitit paraprak, pra nga prilli i vitit të kaluar me këtë vit, vërehet se rritjet më të larta të çmimeve ishin për produktet si vezët, mbi 30% dhe filetot e pulës, me 12%.
Kështu, çmimi i një veze shkoi nga 0,32 në 0,42 KM për copë, ndërsa filetoja e pulës kushtonte 12,69 KM/kg, ndërsa tani është 14,31 KM/kg.
Përveç kësaj, edhe ushqimet e tjera janë shtrenjtuar. Në prill të vitit të kaluar, buka gjysmë e bardhë e prodhuar nga mielli i grurit, kushtonte 3.15 KM/kg, ndërsa tani është 3.54 KM.
Edhe mishi është më i shtrenjtë. Mishi i viçit me kocka, një vit më parë, kushtonte 11.94 KM/kg, ndërsa tani kushton 13.23 KM/kg dhe mishi i viçit pa kocka, vitin e kaluar kushtonte 22.81 KM/kg dhe tani kushton 24.28 KM/kg.
Mishi i derrit pa kocka kushtonte 10.52 KM/kg një vit më parë dhe 12.35 KM/kg në prill të këtij viti. Është rritur edhe çmimi i frutave. Një kilogram banane, vitin e kaluar kushtonte 2.52 KM, tani kushton 3.12, ndërsa mollët kushtonin 1.80 KM dhe tani janë 2 KM.
Në atë periudhë, çmimet e disa produkteve ushqimore ranë, kështu që nafta vitin e kaluar ka kushtuar 5.21 KM, ndërsa tani kushton 3.49 KM, arrat kushtonin 16.73 KM/kg, ndërsa tani janë 13.08 KM/kg.
Inflacioni mujor ishte 0,3%, ndërsa inflacioni vjetor ishte 9%, sipas të dhënave të Institutit të Statistikave. Sipas këtyre të dhënave, nga 12 seksione të produkteve dhe shërbimeve, në dhjetë prej tyre janë vënë re çmime më të larta dhe në dy seksione, çmime më të ulëta.
