KFOR vendos barrikada ne Leposavic, nuk lejon hyrjen e Njesise Speciale te Kosoves
Këtë të hënë, në hyrje të Leposaviçit është vendosur një barrikadë për të bllokuar Njësinë Speciale të Kosovës të futet.
Lajmin e bën të ditur media IndeksiOnline ku shkruan për këtë veprim të KFOR është njoftuar edhe kryeministri i Kosovës, Albin Kurti.
Nga ana tjetër, shpërthime me bombë janë raportuar mbrëmjen e djeshme në Zveçan, policia e Kosovës raporton se disa persona të paidentifikuar kanë hedhur një tymuese i modelit 2013.
Policia e Kosovës ka vënë në pranga një tjetër serb si autor i sulmeve të gazetarëve në veri të Kosovës.
Sipas policisë së Kosovës, i dyshuari është i komunitetit serb, Uros Vukasinovic. Autoritetet thanë se arrestimi është kryer në orët e hershme të 19 qershorit në një fshat të Leposaviçit.
"Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023.
Të gjitha veprimet e mëtejme do të ndërmerren në bashkëpunim dhe koordinim me organet e drejtësisë", u tha në njoftimin e policisë.
Ky është i dyshuari i tretë që arrestohet për sulmet ndaj gazetarëve, të cilët po raportojnë nga veriu i Kosovës, që pas përshkallëzimit të situatës me 26 maj.
Më 16 qershor, ministri i Punëve të Brendshme të Kosovës, Xhelal Sveçla, njoftoi se ishte arrestuar Nemanja Vllashkoviç në Leposaviç, për sulmin ndaj gazetarëve të mediumit Kallxo më 29 maj.
Një ditë më pas, Sveçla tha se në pikëkalimin kuftiar në Jarinjë, që lidh Kosovën me Serbinë, për sulme ndaj gazetarëve u arrestua edhe Dalibor Spasiç./Burimi: Shqiptarja.com
Lajmin e bën të ditur media IndeksiOnline ku shkruan për këtë veprim të KFOR është njoftuar edhe kryeministri i Kosovës, Albin Kurti.
