Secondary Adv

U arrestuan nga forcat speciale serbe, lirohen 3 policet e Kosoves

Pas 12 ditësh në burgjet e Serbisë, tre policët e rrëmbyer të Kosovës janë liruar. 

 

Vendimi është dhënë pak minuta më parë nga Gjykata e Kralevës në Serbi. Rifat Zeka, Beqir Sefi dhe Mustafë Shemi, u rrëmbyen më 14 qershor brenda territorit të Kosovës.

 

Qeveria e Kosovës kërkoi lirimin e menjëhershëm të tre policëve duke thënë se ata janë rrëmbyer thellë brenda territorit të Kosovë dhe se Serbia ka kryer agresion ndaj vendit.

 

Sipas autoriteteve serbe, ata kryen veprën penale: prodhim, posedim, mbajtje dhe trafikim i paligjshëm i armëve dhe lëndëve plasëse, e cila bart dënimin deri në 12 vjet burg. Komuniteti ndërkombëtar kërkoi lirimin e tyre pa kushte./Burimi: Shqiptarja.com


Më të lexuarat