Qeveria gjermane do te rrise pagen minimale, ja sa arrin ne 2024
Paga minimale në Gjermani, do të rritet në dy faza, nga vlera aktuale 12 euro, në 12,82 euro në orë.
Rritja e parë në 12,41€, do të ndodhë vitin e ardhshëm, dhe një rritje të dytë do të pasojë në 2025. Gjermania do të rrisë pagën minimale në 12,41 € (13,51 dollarë) në orë, duke filluar nga 1 janari 2024, bazuar në rekomandimet e reja nga Komisioni i Pagës Minimale të vendit.
Paga minimale aktuale është 12 € në orë. Një vit më vonë, më 1 janar 2025, paga minimale do të rritet sërish, në 12,82 euro, sipas rekomandimeve, të cilat pothuajse gjithmonë vihen në fuqi nga qeveria gjermane.
Çdo dy vjet, komisioni, i cili përbëhet nga përfaqësues të kompanive, sindikatave dhe shkencës, nxjerr një rekomandim për nivelin e ardhshëm të pagës minimale.
Përfaqësuesit e laburistëve në komision, megjithatë, kundërshtuan rritjen e pagës minimale si të pamjaftueshme, për punëtorët e prekur nga inflacioni i lartë.
“Rezoluta vjen në një kohë me rritje të dobët ekonomike dhe inflacioni të lartë të vazhdueshëm në Gjermani, i cili paraqet sfida të mëdha si për kompanitë, ashtu edhe për punonjësit”, tha komisioni në vendimin e tij.
Rritja nuk mjafton, thonë sindikatat
Konfederata Gjermane e Sindikatave (DGB) kritikoi ashpër vendimin.
Anëtari i bordit Stefan Körzell, i cili është gjithashtu anëtar i Komisionit të Pagës Minimale, tha se rritja nominale prej 0.41 €, në fakt do të përbënte një ulje të madhe pagash, për rreth 6 milionë punëtorët me pagë minimale të vendit, duke pasur parasysh inflacionin e lartë.
Körzell tha se përfaqësuesit e punës, kishin bërë presion për një rritje në të paktën 13.50 euro, por u kundërshtuan nga përfaqësuesit e kompanisë dhe kryetarja e komisionit, Christiane Schönefeld.
Qeveria e koalicionit të udhëhequr nga socialdemokratët e Gjermanisë, vitin e kaluar anashkaloi komisionin për të rritur pagën minimale të vendit nga 10,45 euro në 12 euro në tetor. Rritja kishte qenë një premtim kryesor i fushatës së kancelarit Olaf Scholz.
Gjermania prezantoi për herë të parë një pagë minimale ligjore në vitin 2015. Fillimisht ishte 8,50 € në orë, por që atëherë është rritur vazhdimisht.
Rritja e parë në 12,41€, do të ndodhë vitin e ardhshëm, dhe një rritje të dytë do të pasojë në 2025. Gjermania do të rrisë pagën minimale në 12,41 € (13,51 dollarë) në orë, duke filluar nga 1 janari 2024, bazuar në rekomandimet e reja nga Komisioni i Pagës Minimale të vendit.
