Perseritja e zgjedhjeve ne Rrogozhine, miratohen afatet e fleta e votimit
Më pak se dy javë kohë do të kenë Edison Memolla dhe Shkëlqim Hoxha, të ribindin qytetarët e Rrogozhinës për t’i votuar për kryebashkiakë.
Komisioni Qendror i Zgjedhjeve vendosi që fushata e kandidatëve të nisë më 10 korrik, kohë kur do të nisin edhe takimet me qytetarët.
Sipas afateve të përcaktuara nga KQZ, komisionerët, PS e “Bashkë Fitojmë”, të vetmet që marrin pjesë në përsëritjen e zgjedhjeve do t’i dorëzojnë deri në datën 13 korrik, ndërsa anëtarët e grupeve të numërimeve të votave deri më datë 17 korrik.
“Rezultatet e sondazheve zgjedhore nuk mund të publikohen gjatë 3 ditëve të fundit para datës së zgjedhjeve, përfshirë edhe datën e zgjedhjeve deri në orën e mbylljes së votimit.”, përcakton vendimi i KQZ.
Ndërkohë kryekomisioneri Ilirjan Celibashi miratoi edhe fletën e votimit që do të përdoret në zgjedhjet e 23 korrikut në Rrogozhinë.
Zgjedhësit në Bashkinë Rrogozhinë u thirrën sërish në votime, pasi Kolegji Zgjedhor në fund të betejës ligjore të kandidatit të “Bashkë Fitojmë” Shkëlqim Hoxhës pranoi argumentimet e tij se procesi zgjedhor pati shkelje, duke shpallur të pavlefshme zgjedhjet e 14 majit e duke urdhëruar përsëritjen e tyre./Burimi: Shqiptarja.com
Komisioni Qendror i Zgjedhjeve vendosi që fushata e kandidatëve të nisë më 10 korrik, kohë kur do të nisin edhe takimet me qytetarët.
