Britania e Madhe rrit me 6 per qind pagat e mesuesve dhe mjekeve
Qeveria e kryeministrit britanik Rishi Sunak ka vendosur të pranojë propozimet për rritjen e pagave për miliona punonjës të sektorit publik.
Qeveria njoftoi vendimet e saj për rritjen e pagave pasi mori në konsideratë rekomandimet e një numri të bordeve të pavarura të rishikimit të pagave.
Zëvendësministri i Financave John Glenn tha se qeveria do të financojë rritjen e pagave për nëpunësit civilë duke shkurtuar fushat e tjera të shpenzimeve publike dhe duke rritur një taksë speciale të paguar nga emigrantët e sapoardhur.
“Nuk do të ketë asnjë huamarrje apo shpenzim të ri për të financuar rritjet,” i tha ai parlamentit. Mijëra mjekë në Angli filluan sot një grevë pesë-ditore, një mobilizim i paprecedentë, duke kërkuar paga më të mira mes një krize të kostos së jetesës.
Kjo është greva më e madhe e vazhdueshme në historinë e Sistemit Shëndetësor Kombëtar të Britanisë (NHS), sipas sindikatës së tyre BMA (Shoqata Mjekësore Britanike).
Rreth gjysma e mjekëve të spitaleve në Britani janë të trajnuar, të cilët variojnë nga mjekë që sapo kanë mbaruar studimet e tyre deri tek ata me më shumë se tetë vjet përvojë./Burimi: BalkanWeb
Qeveria njoftoi vendimet e saj për rritjen e pagave pasi mori në konsideratë rekomandimet e një numri të bordeve të pavarura të rishikimit të pagave.
