Ibrahimaj: Brenda vitit miratojme ligjin per taksen e pasurise

Ministrja e Financave dhe Ekonomisë, Delina Ibrahimaj theksoi se brenda vitit synojnë që të miratojnë ligjin e ri për taksën e pasurive.

Në konferencën “Financat Vendore” ku po merr pjesë, ministrja theksoi se me miratimin e këtij ligji do të rriten ndjeshëm edhe të ardhurat e bashkive.

“Ka filluar një proces të konsultimit publik, i cili synon të ndryshojë ligjin mbi taksën e pasurisë. Ka filluar që në fillim të këtij viti, synojmë që brenda vitit të miratojmë ligjin.

Synohet që nëpërmjet këtij ligji të rritet ndjeshëm taksa mbi pasurinë, pra që do të ndikojë ndjeshëm në të ardhurat e bashkive. Megjithatë është një proces i komplikuar që prek të gjithë popullatën.

Synohet që taksat për banesat të hyjnë në fuqi në 2026 ndërsa për tokat bujqësore në 2028. Nëpërmjet këtij ligji ne do të duam që tashmë taksa me pasurinë të vlerësohet mbi vlerën reale dhe jo mbi çmimet e referencës.

Do të duhet një angazhim më i madh i të gjitha bashkive me qëllim bashkëpunimin, zbatimin e ligjit që do të miratohet por me qëllim mbledhjen e taksës në të gjithë vendin.“, theksoi ministrja./Burimi: abcnews.al

Më të lexuarat