Media franceze: Shqiperia destinacioni i kesaj vere
Shqipëria po mbyll sezonin më të suksesshëm në histori sa i përket turizmit.
Numri i shtetasve të huaj, por edhe shqiptarë ka kaluar çdo pritshmëri. Padyshim bukuritë natyrore që ofron “vendi i shqiponjave” janë të shumta me bregdetin që dominon, por edhe historia, kultura e gastromia.
Media më prestigjoze në botë e kanë rekomanduar Shqipërinë në fillim këtij sezoni, si një vend i “virgjër” me bukuri përrallore.
E teksa jemi në fundin e sezonit më të suksesshëm, media elitare tanimë kanë nisur ta cilësojnë vendin tonë si destinacionin e këtij viti, me një turizëm që po tenton të shtrihet në gjithë vitin.
Kryeministri Edi Rama ka ndarë në rrjetet sociale shkrimin e fundit të medias elitare franceze “Le Figaro”.
Postimi i Ramës: Në syrin e një prej mediave më elitare franceze siç është “Le Figaro” Shqipëria është padiskutim destinacioni i kësaj vere, duke iu servirur lexuesve një qëmtim të kujdesshëm të destinacioneve që përfshin shumëçka,
dhe jo veç për pushimet verore, por me zonat e mbrojtura dhe sitet kulturore ofron zgjatjen e sezonit përtej verës, në një turizëm gjithëvjetor i cili është kthyer në realitet të prekshëm nga kushdo./VBurimi: abcnews.al
Numri i shtetasve të huaj, por edhe shqiptarë ka kaluar çdo pritshmëri. Padyshim bukuritë natyrore që ofron “vendi i shqiponjave” janë të shumta me bregdetin që dominon, por edhe historia, kultura e gastromia.
