Zbulim i rralle ne Durres, gjendet nje mozaik gjate ndertimit te nje shkolle

Gjatë rindërtimit të shkollës së mesme Gjergj Kastrioti, janë zbuluar gjetje arkeologjike të rëndësishme si për nga tipologjia, ashtu edhe për historinë e zhvillimit të qytetit antik.

Bëhet fjalë për një bazament kolone, fragmente muresh, fragmente potenciale të pikturës murale e fragmente mermeri, që nga vlerësimi paraprak përkojnë me elemente tipike të strukturës së një vile romake.

Por gjetja kryesore është një mozaik floreal, që nëntoka e ka ruajtur në një gjendje mjaft të mirë, i periudhës së hershme perandorake romake, që në fazën aktuale, mendohet të mbulojë një sipërfaqe prej afro 30 m2. Hulumtimi i mëtejshëm pritet të zbulojë edhe elemente të tjerë të rëndësishëm të sitit arkeologjik.

Pas këtij zbulimi do të realizohet gërmimi arkeologjik i hapur me qëllim evidentimin e plotë të këtij siti, në vijim të së cilit do të vlerësohet ecuria e mëtejshme e projektit dhe destinacionin final të materialeve arkeologjike./Burimi: abcnews.al

Më të lexuarat