Zbardhet Pr.buxheti 2024, 7 mld euro, 300 mln euro me shume se vjet
Rreth 7 miliardë euro është parashikuar buxheti i vitit që vjen, ose rreth 300 milionë euro më shumë se ky vit.
Në projektbuxhetin e depozituar në Kuvend është parashikuar që të ardhurat të arrijnë në vlerën prej 6.6 miliardë euro, ndërkohë që deficiti parashikohet të jetë 606 milionë euro.
Ministria e Financave thotë se me këtë projektbuxhet mbështeten sektorët prioritarë si arsimi, shëndetësia, mbrojtja sociale, bujqësia, energjia si dhe infrastruktura. Në total investimet për vitin që vjen kapin shifrën e 1.2 miliardë euro.
Po ashtu në draft është specifikuar që për vitin që vjen do të jepen 77 milionë euro për bonusin e pensioneve dhe për indeksimin e pensioneve.
Ndërsa janë parashikuar 110 milionë euro që do të shkojnë për reformën e pagave që parashikon rritjen e rrogave për punonjësit e sistemit shëndetësor, arsimorë, punonjësit me grada dhe nëpunësit e administratës publike.
Kjo rritje do të nisë nga 1 korriku i vitit 2024, ndërsa rritja tjetër kësaj kategorie iu bë në prill të këtij viti. Për të vijuar me programin e rindërtimit janë parashikuar fonde në vlerën 70 milionë euro, nga 170 milionë euro që u parashikuan për rindërtimin për vitin 2023.
Shpenzime në vlerën 50 milionë euro janë caktuar për kompensimin e ish-pronarëve, reformë e cila është ende shumë larg mbylljes.
Sa i takon borxhit publik për vitin e ardhshëm do të jetë në vlerën e 14. 3 miliardë eurove, pothuajse në të njëjtën vlerë si viti aktual dhe nuk parashikohet dalje në tregjet ndërkombëtare për të marrë një borxh të ri./Burimi: Shqiptarja.com
Në projektbuxhetin e depozituar në Kuvend është parashikuar që të ardhurat të arrijnë në vlerën prej 6.6 miliardë euro, ndërkohë që deficiti parashikohet të jetë 606 milionë euro.
