Stoltenberg ne Beograd: Asociacioni, celes per normalizimin e marredhenieve Kosove-Serbi

Sekretari i Përgjithshëm i NATO-s, Jens Stoltenber deklaroi se mbështet formimin e Asociacionit të komunave me shumicë serbe në Kosovë.

Deklaratën, Stoltenberg e dha gjatë një konference të përbashkët për shtyp në Beograd, me presidentin serb, Aleksandër Vuçiç, shkruan N1.

Sipas Stoltenbergut, formimi i Asociacionit do të ishte çelësi për normalizimin e marrëdhënieve Kosovë-Serbi.

“Akumulimi i forcave të Forcave të Armatosura Serbe pranë vijës administrative nuk do të ndihmonte situatën, mirëpres dhe mbështes formimin e Asociacionit në Kosovë, do të ishte çelësi i normalizimit të marrëdhënieve,

i bëj thirrje Beogradit dhe Prishtinës, të angazhohemi në dialog nën kujdesin e BE-së, kjo është mënyra e vetme për paqen dhe stabilitetin e qëndrueshëm”, tha Stoltenberg.

Ai shtoi se me Vuçiçin ka diskutuar edhe për tensionet e fundit në veri të Kosovës dhe rëndësinë e vazhdueshme të misionit paqeruajtës të KFOR-it.

“Për dy dekada, KFOR-i ka garantuar një mjedis të sigurt në Kosovë për të gjitha komunitetet, ne do të vazhdojmë ta bëjmë këtë.

Në të vërtetë, disa anëtarë të NATO-s i mbijetuan disa sulmeve, në shtator pamë një shpërthim tjetër dhune në Kosovë, kjo nuk mund të lejohet, ata që e bënë atë duhet të sillen para drejtësisë, ne vërtet e mirëpresim që Serbia është e gatshme të bashkëpunojë për këto angazhime, të cilat ne i diskutuam gjithashtu.

Pas kësaj dhune, NATO vendosi edhe 1000 ushtarë dhe armë të rënda në Kosovë”, theksoi./Burimi: abcnews.al

Më të lexuarat