Kriza e fasonerive, Prence: Qeveria te na mundesoje kredi te buta

Kreu i shoqatës ‘Pro Eksport Albania’, Edvin Prençe tha se biznesi fason nuk kërkon lëmoshë nga qeveria por marrjen e kredive të buta.

“Nuk po kërkojmë lëmoshë, kërkojmë të marrim kredi të buta të kemi mundësi të bëjmë investimet e nevojshme. Vjen si pasojë e mungesës së theksuar të fondeve të likuiditetit që vjen pas tërmetit dhe pandemisë dhe tani fasoneritë janë në kufijtë e mbijetesës.

Kredia do përdoret për modernizimin e impianteve prodhuese. Automatizimin, rritjen e cilësisë, promovimi që deri më tani nuk është bërë. Ky promovim na jep mundësinë që me fondet e qeverisë të promovojmë së pari Shqipërinë dhe më pas atë aktivitetin tonë”-tha Prençe.

Ndërsa më tej, teksa u pyet nga Babaramo mbi kursin e këmbimit valutor, tha se kriza mund të zgjidhej nëse kursi do të rikthehej siç ishte por theksoi se një rënie e tillë nuk lidhet vetëm me performancën ekonomike të vendit.

“Unë nuk jam ekspert, por mendoj se një trend i rënies kaq të fortë më duket e pamundur dhe nuk mendoj se ka qenë performanca ekonomike që e ka çuar kursin në këtë situatë”- shtoi ai./Burimi: Shqiptarja.com

Më të lexuarat