Kostoja per transmetimet dixhitale, qeveria miraton fondin prej 500 mije dollare

Kalimi i transmetimeve televizive nga analoge në dixhitale do të jetë i kushtueshëm, jo vetëm për të ndryshuar teknologjinë, por edhe për të informuar qytetarët.

Qeveria ka miratuar në mbledhjen e sotme një shtesë fondi për Autoritetin e Mediave Audiovizive, pikërisht për të përballuar fushatën e informimit të publikut. Sipas vendimit, Kryeministrisë, në buxhetin e miratuar për vitin 2016, në zërin “Shpenzime korrente”, i shtohet fondi prej 60 milionë lekë (rreth 500 mijë dollarë), për ministrin e Shtetit për Inovacionin dhe Administratën Publike. “Ky fond i jepet, në formën e transfertës, Autoritetit të Mediave Audiovizive, për t’u përdorur për financimin e organizimit të fushatës për informimin e publikut për kalimin e transmetimeve analoge në transmetime dixhitale”, thuhet në vendim.
Efektet financiare të kësaj fushate do të përballohen nga fondi rezervë i buxhetit të shtetit, miratuar për vitin 2016. Për kategori të caktuara, qeveria ka parashikuar dhënien falas të dekoderave në momentin e kalimit të transmetimeve televizive në formatin dixhital.

Më të lexuarat