Shoqata e Bankave: Kredite me probleme u rriten 1.8 per qind ne 4 muaj
Shoqata e Bankave raporton se kreditë me probleme u rritën sërish, duke prekur në prill nivelin e 20%. Ky tregues u rrit me 1.8% kundrejt fundit të vitit të kaluar, periudhë kur u fshinë nga bilancet e bankave rreth 23 miliardë lekë kredi pa shprese arkëtimi. Por të dhënat e fundit tregojnë se kredi të tjera kanë kaluar në këtë kategori.
Rriten sërish kreditë me probleme. Të dhënat e Shoqatës së Bankave tregojnë se në prill, niveli i huave me probleme arriti në 20%. Krahasuar me muajin e mëparshëm, ky tregues është rritur me 0.7%, ndërsa kundrejt fundit të vitit 2015, rritja vlerësohet në 1.8%. Në dhjetor, niveli i kredive me probleme zbriti në 18.2% pas fshirjes që bankat u bënë huave pa shpresë arkëtimi nga bilancet e tyre. Bankat pastruan kreditë që kishin 3 vjet pa u mbledhur. Por pavarësisht se sistemi bankar fshiu rreth 23 miliardë lekë hua të humbura në vitin 2015, kredi të tjera kanë kaluar në këtë kategori. Ekspertët e Bankës së Shqipërisë u kërkojnë bankave që të tregojnë kujdes dhe t’u japin kredi vetëm biznese me një bilanc, me të dhëna të çertifikuara.
Deniz Derrala, përfaqësues i Bankës së Shqipërisë: Nje tjeter rregullore e rendesishme eshte ajo e menaxhimit te riskut te madh, qe mund te vije nga nje klient ose nga nje grup klientesh. Bankat duhet te bejne analizen e riskut per huamarresit e medhenj, duke u bazuar te pasqyrat financiare te certifikuara. Nga viti 2018, ky do te jete kusht per te gjithe kredimarresit, dhe jo vetem ata te medhenj. Kjo eshte pjese e planit te masave, te firmosur nga kryeministri dhe guverantori ne gusht te vitit te kaluar. Ne do te nxejrrim edhe nje tjeter rregullore dhe bankat duhet te jene te pergatitura, qe nga viti 2018 do te perdorin vetem pasqyra financiara te audituara kur te shqyrtojne mundesite e dhenies se nje kredie.
Vitin e kaluar, qeveria dhe Banka e Shqipërisë miratuan një plan masash për uljen e këtij treguesi, por ky proces nuk po rezulton i lehtë për t’u realizuar, në kushtet kur siç raporton edhe vetë biznesi, nuk po kalon ditë të mira. Ndërsa nga ana tjetër, pjesa dërrmuese e kredive me probleme është e përqëndruar në 35 kompanitë të mëdha, që kanë borxhe tek më shumë se një bankë.
Ecuria e kredive me probleme Prill 2016 20.0% Mars 2016 19.3% Dhjetor 2015 18.2%
